ما أوصف أكثر بعد دوخني وصفك!!>>

حبيبي اليوم عاجبني حيل أتغزل بيك

وراح أبدي من شعرك لحد رمشك

أتعب ابوصفك من راسك الرجليك

ما أوصف أكثر بعد دوخني وصفك

تيهت لحرف وتيهت يا مكان أخليك؟

أخذ صفنه العقل كلش موتني سحرك

شيبت رمش العين وبردة حسن عينيك

ترجعني شباب ويرد اشيبني غمزك

سبحان الخلق مو من تراب امسويك

حور بثنين لعيون ذاب الخشب من الدگ

إرجعلي، الگلب كل ساع يسألني عليك

وإذا رحت ومرجعت يحفظك لغيري ربك،

أكرهك لاتظن وأنسه بيوم لمسة اديك

لك أنت الروح ودگت گلبي من نبضك،

يجي الليل وما أنامه أگعد بس أحاجيك

تجاوبني أنت وتغفيني ابنبرات همسك

أتخيلك يمي، وبحضني، وبأنفاسي ادفيك

خدران أظل طول الوگت من عطر نَفسك

ومن تطلع شمس لاتظن جنت أحلم بيك

شلون أنام وتغفه عيني وما أحرسك!!!

گضيت الليل صافن على شفتك وخديك

وردت آخذ بوسه منهن بس خفت أگعدك،

حبيبي ومن عيون الناس أخاف عليك

ما أگدر أوصف جمالك للعالم اتحسدك

جربت مره واتندمت من جبت طاريك

لأن حته آني الأحبك كمت أحسدك

واجاك المرض يركض والف هنياله بيك

أحسد بالمرض بلكت من يمرض يهدك.