زهيري - مواويل عراقية

كتله انا معجب ضحك ...معجب انه بشفتك

كلي شايفني كبل؟ ... كتله ولا شفتك

كلي دفكني اذاً ... كتله شفك .. شفتك

كلالي امنن ترى ... كتله انا احب منك

كلي دليني الدرب ... كتله الدرب منااااك

كلي امسودن اذاً ... كتله الدوه منك

كلي شنهو الدوة كتلة الدوة شفتك

======================

يا صاحب ابدنيتك كلي شحصل وشجره

وحبل الموده منهو الي كطعه وشجره

كلمن رمى صاحبه بنار الهجر وشجره

وحط بركبته حبل بس ياحبل من مسد

وانفتح باب الغضب وماظن بعد من مسد

لو يبقى هيج الحجي وراس الحجي من مسد

مايبقى عايش بشر فوك الأرض وشجره

=======================

ايام سعدك يبين الدهر مالهن

سير سفنهن على بحر الشكا مالهن

ذن اليالي صديق من البشر مالهن

هذا رفعنه وذاك للعدم موصل

بعد المعزه كطعن حبل الوداد وصل

استعن على الصار بالصبر الجميل وصل

هن الذي يوم الحشر للعبد مالهن

========================

ياماخذ الروح ردها الخاطري ردهــه

ومن يوم هدت زلم چفي الك ردهه

ومن صابك انت المرض گلبي فتح ردهه

ومستشفى كلي صرت ومنك ردتلي اجناح

كسّرت جنحي وطرت هم تنكسر يجناح

بياذنب تحكم عليّ يامتــــــــــهم يجناح

كيديه تالي اصبحت والقاضي الي ردهه

=====================

بقاموس قلبي تره بس اسمك انت ورد

والعطش ماهمني كلت الكه عدكم ورد

حسبالي انت الي وطشيت عمري ورد

ثاريك ابد ماتحب لن مسألت عني

ولاهمك انت الجره وشنهو سبب عني

مدامك انت الكلت روح ابتعد عني

رايح انه للأبد لضن احنن ورد

===================

دمع البيابي سجل منساب ونيلي

من يوم دار الولف للغير ونيلي

يامنية الروح لاتبجين ونيلي

اكفيج بنعاي ماعندي خبر يسراي

وصبري على الله عسى بعد العسر يسراي

اليت منساج مادام النبض يسراي

اي والذي لبسج ثوب الهنى نيلي

==============

تحياتي