كلت يستاهل شما رخصتله الروح

فنك جاوبتني شكثر حبيتك

كلهم رخصتهم فقط غليتك

كلت يستاهل شما رخصتله الروح

يالمثل الشموع بدمع سويتك

حلو صح واعترف يمكن جمالك زاد

او وي يوسف ابحسنك لمن عديتك

شجاك اتغيرت عني وعفتني شلون

وانه من الشماته شكثر وصيتك

صدك حناك غيري ابحنه مرة يجوز

بس انه بحلامي شكثر حنيتك

كالو لاتكتبه او(لا) رفضت بصوت

كدام اليضدك كمت خطيتك

او شلت اعزاز عندي وبدلتهم بيك

وبعد امنياتي او ولم خليتك

ياخنجري البي حسبت غيري يموت

كد ما امنتلك بدي حديتك

وراك تسودنت كالت عليه الناس

لان كم مره رحت اعتقد حاجيتك

علكتك عل منصه بكل قصيده شموع

او على نفس المنصه بشعر طفيتك

اتراضيني هسه جا بعد شيفيد

باب او عاصفه وبتعب سديتك

متت بجروحي وقتنعت عيوني تموت

او بدي فوك الجنازه بحبل شديتك