للعشاق قصيدة مانسيتك

مانسيتك

وحكَ داحي الباب بعدك ذاك انته

بعدك بأنفاسي جوري يا نشغته

بعدك بكَلبي امل وردي رسمته

مانسيتك

وحكَ كل كلمة عهد مكتوبة بيدي

حبك بدنياي بس هوة رصيدي

شوفتك جن يوم عيدي

وغيبتك نار بوريدي

مانسيتك

بعدك بذاكرتي كَاعد ماكَمت

على كل لحظة فتّرقنا تّندمت

ماتحبني شلون بيهه توهمت

مانسيتك

ياعطر بعده بثيابي مابرد

ويا دمع يجري بخدودي ماجمد

من سهرها عيني ظل بيهه الرمد

مانسيتك

أي وحكَ واحد أحد

أي وحكَ واحد أحد

بعده شوكَي يمطر بدربك صدكَ

وبعده كَلبي يطرز لعينك عشكَ

مانسيتك

نبضي بسمك من يدكَ

يصيحلك و بصوت يصرخ

مانسيتك

مانسيتك